Wednesday 2 August 2017

ਤੇਰੇ ਹੱਥ ਹੀ ਮੇਰੀ ਡੋਰ ਹੈ

ਭੁੱਲਿਆ ਮੈਂ ਕਰਦਾ ਰਿਹਾ ਤਦਬੀਰਾਂ ,
ਭਵਿੱਖ ਦੀਆਂ ਬਣਾਈਆਂ ਖਿਆਲੀ ਤਸਵੀਰਾਂ ,
ਪਰ ਤੇਰੇ ਹੀ ਹੱਥੀਂ ਸਭ ਦੀਆਂ ਤਕਦੀਰਾਂ ,
ਅਸਲੀਅਤ ਨਹੀਂ ਕੁਝ ਹੋਰ ਹੈ ,
ਤੇਰੇ ਹੱਥ ਵਿੱਚ ਹੀ ਮੇਰੀ ਡੋਰ ਹੈ ।

ਤੂੰ ਹੀ ਸਭ ਦਾ ਪਰਵਰਦਗਾਰ ਹੈ ,
ਤੇਰਾ ਫ਼ੈਜ਼ ਬੇਅੰਤ ਅਪਾਰ ਹੈ ,
ਤੂੰ ਮੁੱਢੋਂ ਮੇਰਾ ਰਾਖਣਹਾਰ ਹੈ ,
ਹੁਣ ਕਿਉਂ ਪਾਇਆ ਅਕਲ ਨੇ ਸ਼ੋਰ ਹੈ,
ਤੇਰੇ ਹੱਥ ਵਿੱਚ ਹੀ ਮੇਰੀ ਡੋਰ ਹੈ ।

ਇਹ ਜੋ ਮਾਰੀ ਮਾਰੀ ਫਿਰਦੀ ਖ਼ਲਕਤ ,
ਇਹ ਵੀ ਹੈ ਸਿਰਫ ਤੇਰੀ ਹੀ ਬਰਕਤ ,
ਸਭ ਦੇ ਵਿੱਚ ਇੱਕ ਤੇਰੀ ਹੀ ਹਰਕਤ,
ਸਾਰਿਆਂ ਨੂੰ ਚਲਾਉਂਦਾ ਆਪਣੀ ਤੋਰ ਹੈ ,
ਤੇਰੇ ਹੱਥ ਵਿੱਚ ਹੀ ਮੇਰੀ ਡੋਰ ਹੈ ।

ਸਮਝ ਨਹੀਂ ਆਉਂਦਾ ਤੈਥੋਂ ਕੀ ਮੰਗਾਂ ,
ਜਿਹੜੇ ਰਾਹ ਤੂੰ ਚਲਾਵੇ ਓਹੀ ਚੰਗਾ ,
ਤੇਰੇ ਹੀ ਵੱਸ ਵਿੱਚ ਸਾਰੀਆਂ ਪਤੰਗਾਂ ,
ਮੰਦਾ ਚੰਗਾ ਵੇਖਣ ਦਾ ਨਹੀਂ ਮੇਰੇ 'ਚ ਜ਼ੋਰ ਹੈ ,
ਤੇਰੇ ਹੱਥ ਵਿੱਚ ਹੀ ਮੇਰੀ ਡੋਰ ਹੈ ।

ਸਿਫ਼ਤ

ਵੱਗਦਾ ਗਿਆਨ ਦਾ ਚਸ਼ਮਾ, ਸਤਿਗੁਰੂ ਦੁਆਲੇ  ਭਰ ਭਰ ਵਰਤਾਏ ਜਿਨ੍ਹੇ, ਨਾਮ ਦੇ ਪਿਆਲੇ ਨ੍ਹੇਰੀਆਂ ਰਾਤਾਂ ਅੰਦਰ, ਜਿਸ ਰਾਹ ਵਿਖਾਲੇ ਮਿਹਰ ਨਾਲ ਮੇਰੇ ਜਿਹੇ ਪਾਪੀ ਵੀ ਪਾਲੇ ਜਦ ...