ਉਦਾਸ ਹਾਂ ਬੜਾ ਪਰ ਸ਼ਿਕਵੇ ਦੀ ਮਜਾਲ ਨਹੀਂ ,
ਜਹਾਨ ਉੱਤੇ ਤਾਂ ਕੋਈ ਸ਼ੈਅ ਲਾ ਜ਼ਵਾਲ ਨਹੀਂ ।
ਜਹਾਨ ਉੱਤੇ ਤਾਂ ਕੋਈ ਸ਼ੈਅ ਲਾ ਜ਼ਵਾਲ ਨਹੀਂ ।
ਇਕੋ ਹੀ ਧਰਤ ਹੈ ਪਰ ਲੋਕ ਐਂਵੇਂ ਤੁਰ ਰਹੇ ਨੇ ,
ਜਿਵੇਂ ਕਿ ਸਾਨੀ ਕੋਈ ਲੱਭਣਾ ਮੁਹਾਲ ਨਹੀਂ ।
ਜਿਵੇਂ ਕਿ ਸਾਨੀ ਕੋਈ ਲੱਭਣਾ ਮੁਹਾਲ ਨਹੀਂ ।
ਜੋ ਰਾਹ-ਏ-ਹੱਕ ਤੇ ਤੁਰਦਾ ਹੈ ਔਕੜਾਂ ਦੇ ਨਾਲ ,
ਨਿਢਾਲ ਭਾਵੇਂ ਦਿਸੇ ਹੁੰਦਾ ਪਰ ਨਿਢਾਲ ਨਹੀਂ।
ਨਿਢਾਲ ਭਾਵੇਂ ਦਿਸੇ ਹੁੰਦਾ ਪਰ ਨਿਢਾਲ ਨਹੀਂ।
ਕਿਵੇਂ ਸੁਣੇਗਾ ਮਨੁੱਖ ਧਰਤੀ ਦੇ ਇਹ ਨਗ਼ਮੇ ਹੁਣ ,
ਜ਼ਮਾਨੇ ਵਿਚ ਤਾਂ ਇਹਨੂੰ ਖ਼ੁਦ ਦਾ ਵੀ ਖ਼ਿਆਲ ਨਹੀਂ ।
ਜ਼ਮਾਨੇ ਵਿਚ ਤਾਂ ਇਹਨੂੰ ਖ਼ੁਦ ਦਾ ਵੀ ਖ਼ਿਆਲ ਨਹੀਂ ।
ਬਗ਼ੈਰ ਟਾਲ ਮਟੋਲਾਂ ਦੇ ਵੀ ਜਵਾਬ ਦਿਓ !
ਦਿਲਾਂ ਲਈ ਹੈ ਇਹ ਅਕਲਾਂ ਲਈ ਸਵਾਲ ਨਹੀਂ ।
ਦਿਲਾਂ ਲਈ ਹੈ ਇਹ ਅਕਲਾਂ ਲਈ ਸਵਾਲ ਨਹੀਂ ।
ਪਲੀਤੀ ਜਿਹੜੀ ਭਰੀ ਹੋਈ ਹੈ ਮਨਾਂ ਅੰਦਰ,
ਇਹਨੂੰ ਮਿਟਾਉਣ ਤੋਂ ਵੱਡਾ ਕੋਈ ਕਮਾਲ ਨਹੀਂ।
ਇਹਨੂੰ ਮਿਟਾਉਣ ਤੋਂ ਵੱਡਾ ਕੋਈ ਕਮਾਲ ਨਹੀਂ।
ਅਵੇਸਲਾ ਨਾ ਹੋ ਯਾਰਾ ਵੇ ਗ਼ੌਰ ਫ਼ਰਮਾ ਤੂੰ,
ਉਹ ਕਿਹੜੀ ਥਾਂ ਹੈ ਕਿ ਜਿੱਥੇ ਉਹਦਾ ਜਮਾਲ ਨਹੀਂ ?
ਉਹ ਕਿਹੜੀ ਥਾਂ ਹੈ ਕਿ ਜਿੱਥੇ ਉਹਦਾ ਜਮਾਲ ਨਹੀਂ ?
No comments:
Post a Comment