ਜਗ ਵੇਖ ਕੇ ਤਾਂ ਦਿਲ ਮਿਰਾ ਭਾਰਾ ਹੋ ਹੀ ਜਾਂਦੈ ।
ਨੇਕੀ ਦੇ ਵਪਾਰਾਂ 'ਚ ਖ਼ਸਾਰਾ ਹੋ ਹੀ ਜਾਂਦੈ ।
ਨੇਕੀ ਦੇ ਵਪਾਰਾਂ 'ਚ ਖ਼ਸਾਰਾ ਹੋ ਹੀ ਜਾਂਦੈ ।
ਮੈਂ ਪੂਰਾ ਜਤਨ ਕਰਦਾਂ ਕਿ ਲੱਭਾਂ ਖ਼ੁਸ਼ੀ ਇੱਥੇ
ਪਰ ਫੇਰ ਵੀ ਗ਼ਮ ਦਾ ਤਾਂ ਨਜ਼ਾਰਾ ਹੋ ਹੀ ਜਾਂਦੈ ।
ਪਰ ਫੇਰ ਵੀ ਗ਼ਮ ਦਾ ਤਾਂ ਨਜ਼ਾਰਾ ਹੋ ਹੀ ਜਾਂਦੈ ।
ਤੂੰ ਹੌਸਲਾ ਨਾ ਹਾਰ ਕਿ ਇਸ ਵਕਤ ਦੇ ਹੱਥੀਂ
ਪੀੜਾਂ ਦਾ ਕੋਈ ਨਾ ਕੋਈ ਚਾਰਾ ਹੋ ਹੀ ਜਾਂਦੈ ।
ਪੀੜਾਂ ਦਾ ਕੋਈ ਨਾ ਕੋਈ ਚਾਰਾ ਹੋ ਹੀ ਜਾਂਦੈ ।
ਦੁਨੀਆ ਬੜੀ ਦਿਲਕਸ਼ ਤੇ ਫ਼ਰੇਬੀ ਸਹੀ ਪਰ ਜਦ
ਆਸ਼ਕ ਹੋਏ ਸੱਚਾ ਤਾਂ ਕਿਨਾਰਾ ਹੋ ਹੀ ਜਾਂਦੈ ।
ਆਸ਼ਕ ਹੋਏ ਸੱਚਾ ਤਾਂ ਕਿਨਾਰਾ ਹੋ ਹੀ ਜਾਂਦੈ ।
ਕਿੱਡਾ ਵੀ ਸਿਆਣਾ ਜਾਂ ਹੁਨਰਮੰਦ ਉਹ ਹੋਵੇ
ਵੇਹਲਾ ਜੇ ਉਹ ਬੈਠੇ ਤਾਂ ਨਕਾਰਾ ਹੋ ਹੀ ਜਾਂਦੈ ।
ਵੇਹਲਾ ਜੇ ਉਹ ਬੈਠੇ ਤਾਂ ਨਕਾਰਾ ਹੋ ਹੀ ਜਾਂਦੈ ।
No comments:
Post a Comment