ਰੂਹ ਦੀ ਖੁਰਾਕ

 ਢਿੱਡ ਦੀ ਖੁਰਾਕ ਨੂ ਕੌਣ ਨਹੀ ਜਾਣਦਾ
ਖੁਰਾਕ ਲੈਣ ਦੇ ਆਨੰਦ ਨੂੰ ਕੌਣ ਨਹੀ ਮਾਣਦਾ
ਪਰ ਨਾ ਭੁਲ ਭੋਜਨ ਤੂੰ ਆਪਣੀ ਜਾਨ ਦਾ
ਢਿੱਡ ਦੀ ਤਰ੍ਹਾ ਸੁਣ ਰੂਹ ਦੇ ਆਖ
 ਪ੍ਰਭ ਦਾ ਸਿਮਰਨ ਰੂਹ ਦੀ ਖੁਰਾਕ

ਧਿਆਨ ਨਾਲ ਗੱਲ ਸੁਣ ਭਲਿਆ ਮਨੁੱਖ 

ਇਹ ਮੌਕਾ ਹੈ ਤੇਰਾ ਪ੍ਰਾਪਤ ਕਰਨ ਦੇ ਸੁੱਖ 

ਜਾ ਪਰਮਾਤਮਾ ਦੇ ਦਰਬਾਰ ਵਿਚ ਲੈ ਕੇ ਉਜਲੇ ਮੁੱਖ 

ਮਨੁਖ ਬਣਨ ਲਈ ਤੂੰ ਜੀਆ ਵਾਰ ਚੁਰਾਸੀ ਲਾਖ 

ਪ੍ਰਭ ਦਾ ਸਿਮਰਨ ਰੂਹ ਦੀ ਖੁਰਾਕ ।

ਮੇਰੀ ਅਰਦਾਸ

 ਕੂੜ੍ਹ ਨਾਲ ਭਰਿਆ ਹੈ ਹਰਸਿਮਰਨ
ਅੰਦਰੋਂ ਵੀ ਅਤੇ ਬਾਹਰੋਂ ਵੀ
ਸਫਾਈ ਕਰਨ ਦੀ ਕੋਸ਼ਿਸ਼ ਕਰਦਾ
ਕਰਦਾ ਪ੍ਰਣ ਹਜਾਰੋਂ ਹੀ ।
ਹੇ ਖੁਦਾ , ਮੈਨੂ ਆਸ਼ੀਰਵਾਦ ਦੇ
ਅਮਲ ਕਰਾਂ ਮੈਂ ਗੁਰੂਆਂ ਦੀ ਬਾਣੀ ਤੇ
ਪਿਆਸੀ ਮੇਰੀ ਰੂਹ ਨੂੰ ਤੂੰ ਪਾਣੀ ਦੇ
ਇਸ ਭਟਕੇ ਹੋਏ ਮਨੁੱਖ ਨੂ ਤੂੰ ਰਾਹ ਦੇ
ਜਦ ਤਕ ਨਾਮ ਗੁਰੂ ਦਾ ਧਿਆਵਾਂ ਓਦੋਂ ਤਕ ਹੀ ਮੈਨੂ ਸਾਹ ਦੇ ।।