ਗੁਰਸਿੱਖੀ ਦਾ ਪੈਂਡਾ

ਗੁਰਸਿੱਖੀ ਦਾ ਪੈਂਡਾ ਬਹੁਤ ਔਖਾ,

ਜ਼ਿੰਦਗਾਨੀ ਦਾ ਮੋਹ ਮਾਰਣਾ ਪੈਂਦਾ,

ਧਨ ਦੀ ਛਾਂ, ਮਨ ਦੀ ਸੇਜ, ਤਨ ਦਾ ਚੋਲਾ,

ਸਭ ਗੁਰੂ ਦੇ ਉੱਤੋਂ ਵਾਰਣਾ ਪੈਂਦਾ,

ਗੁਰੂ ਵੱਲੋਂ ਬਖ਼ਸ਼ੇ ਪ੍ਰੇਮ-ਰਤਨਾਂ ਦਾ,

ਸੀਸ ਦੇ ਕੇ ਹੀ ਮੁੱਲ ਤਾਰਣਾ ਪੈਂਦਾ,

ਜਿੱਤਣ ਲਈ ਇਸ ਇਸ਼ਕ ਦੀ ਬਾਜ਼ੀ ਨੂੰ,

ਦੁਨੀਆ ਦੀਆਂ ਨਜ਼ਰਾਂ 'ਚ ਹਾਰਣਾ ਪੈਂਦਾ। 

ਸਿਫ਼ਤ

ਵੱਗਦਾ ਗਿਆਨ ਦਾ ਚਸ਼ਮਾ, ਸਤਿਗੁਰੂ ਦੁਆਲੇ 

ਭਰ ਭਰ ਵਰਤਾਏ ਜਿਨ੍ਹੇ, ਨਾਮ ਦੇ ਪਿਆਲੇ

ਨ੍ਹੇਰੀਆਂ ਰਾਤਾਂ ਅੰਦਰ, ਜਿਸ ਰਾਹ ਵਿਖਾਲੇ

ਮਿਹਰ ਨਾਲ ਮੇਰੇ ਜਿਹੇ ਪਾਪੀ ਵੀ ਪਾਲੇ

ਜਦ ਸਾਡਾ ਚੋਜੀ ਗੁਰੂ ਦਾਮਾਨ ਉਛਾਲੇ

ਫ਼ਜ਼ਾਵਾਂ 'ਚ ਖਿੰਡ ਜਾਵਣ ਜਵਾਹਰ ਨਿਰਾਲੇ!