ਨਹੀ ਹੱਟਦਾ ਤੂੰ ਹਰਸਿਮਰਨ

ਨਹੀ ਹੱਟਦਾ ਤੂੰ ਹਰਸਿਮਰਨ
ਜ਼ਿੰਦਗੀ ਬਰਬਾਦ ਕਰਨੋਂ
ਨਹੀ ਹੱਟਦਾ ਤੂੰ ਹਰਸਿਮਰਨ
ਦੂਰ ਹੋਣਾ ਪ੍ਰਭੁ ਦੇ ਚਰਨੋਂ
ਨਹੀ ਹੱਟਦਾ ਤੂੰ ਹਰਸਿਮਰਨ

ਚਾਰ ਦਿਨਾਂ ਦੀ ਖੇਡ ਦੁਨੀਆ
ਕੀ ਹੋਇਆ ਜੇ ਵਿਸਰ ਗਾਏ ਦੁਨਿਆਵੀ ਯਾਰ ,
 ਪਰ ਨਾ ਵਿਸਾਰ ਤੂੰ ਸੱਚੇ ਰੱਬ ਨੂੰ, ਨਾ ਆਪਣੀ ਤੂੰ ਰੂਹ ਨੂੰ ਮਾਰ
ਵਿਸਰ ਜਾਣ ਗੇ ਸਾਰੇ ਦੁੱਖ , ਜੂਨਾਂ ਚੁਰਾਸੀ ਲਾਖ ,
ਜੇ ਤੂੰ ਸੱਚੇ ਮਨੋਂ ਹਰਿ ਕੇ ਗੁਣ ਆਖ ।

ਨਾ ਹਰਸਿਮਰਨ ਤੂੰ ਇਹ ਗਲ ਭੁੱਲੀ

 ਨਾ ਹਰਸਿਮਰਨ ਤੂੰ ਇਹ ਗਲ ਭੁੱਲੀ
ਮਨੁੱਖੀ ਜਿੰਦ ਹੈ ਅਣਮੁੱਲੀ
ਨਾਮ ਜਪ ਕੇ ਕਰ ਬੇੜ੍ਹਾ ਪਾਰ
ਵਿਸਾਰ ਕੇ ਨਾ ਰੂਹ ਨੂੰ ਮਾਰ
ਪਏਗਾ ਤੂੰ ਚੱਕਰ ਜਨਮ ਮਰਨ ਦੇ ਵਿਚ
ਜੇ ਤੂੰ ਨਾ  ਆਇਆ ਸਤਿਗੁਰ ਦੀ ਸ਼ਰਨ ਦੇ ਵਿਚ
ਜਨਮ ਮਰਨ ਦੇ ਚੱਕਰ ਵਿਚ ਤੂੰ ਪਾਏਗਾ ਅਨੇਕ ਦੁਖ
ਜੇ ਤੂੰ ਨਾ ਕੀਤਾ ਸਿਮਰਨ ਬਣਕੇ ਮਨੁੱਖ।

ਹਰਸਿਮਰਨ ਕਰ ਸਿਮਰਨ ਐਸਾ

ਹਰਸਿਮਰਨ ਕਰ ਸਿਮਰਨ ਐਸਾ
                                   ਤਨ ਮਨ ਹੋ ਜਾਏ ਤੇਰਾ ਸਾਫ਼ ,
ਹਰਸਿਮਰਨ ਕਰ ਸਿਮਰਨ ਐਸਾ
                                      ਭੁਲ੍ਹਾਂ ਹੋ ਜਾਣ ਤੇਰੀਆ ਮੁਆਫ਼
ਹਰਸਿਮਰਨ ਕਰ ਸਿਮਰਨ ਐਸਾ
                                      ਖਿਆਲ ਹੋ ਜਾਣ ਤੇਰੇ ਪਾਕ
ਹਰਸਿਮਰਨ ਕਰ ਸਿਮਰਨ ਐਸਾ
                                      ਮੈਲ ਮੁਕਤ ਹੋ ਜਾਣ ਤੇਰੇ ਵਾਕ
ਹਰਸਿਮਰਨ ਕਰ ਸਿਮਰਨ ਐਸਾ
                                      ਪਾਰ ਹੋ ਜਾਣ ਰੁਕਾਵਟਾਂ ਸ਼ਹੁੰ ਦੀਆਂ ਵਾਟਾਂ ਵਿਚ
ਹਰਸਿਮਰਨ ਕਰ ਸਿਮਰਨ ਐਸਾ
                                      ਮਿਠਾਸ ਆ ਜਾਏ ਤੇਰੀਆਂ ਬਾਤਾਂ ਵਿਚ
ਹਰਸਿਮਰਨ ਕਰ ਸਿਮਰਨ ਐਸਾ
                                        ਕਦੇ ਨਾ ਪ੍ਰਭੁ ਮਨੋਂ ਵਿਸਾਰ
ਹਰਸਿਮਰਨ ਕਰ ਸਿਮਰਨ ਐਸਾ
                                      ਕਾਮ ਕ੍ਰੋਧ ਲੋਭ ਮੋਹ ਅਹੰਕਾਰ ਜਾਣ ਹਾਰ
 ਹਰਸਿਮਰਨ ਕਰ ਸਿਮਰਨ ਐਸਾ

ਨਹੀ ਡਰਦੇ ਸੱਚੇ ਭਗਤ ਕਬਰਾਂ ਸ਼ਮਸ਼ਾਨਾਂ ਤੋਂ

 ਨਹੀ ਡਰਦੇ ਸੱਚੇ ਭਗਤ ਕਬਰਾਂ ਸ਼ਮਸ਼ਾਨਾਂ ਤੋਂ

ਨਹੀ ਡਰਦੇ ਜਿਨ੍ਹਾਂ ਨੇ ਘੋਲ ਘੁਮਾਈ
ਨਹੀ ਡਰਦੇ ਜਿਨ੍ਹਾਂ ਨੇ ਸੱਚੀ ਮੁਹੱਬਤ ਰਚਾਈ
ਨਹੀ ਡਰਦੇ ਜਿਨ੍ਹਾਂ ਨੇ ਪਛਾਣੀ ਸੱਚਾਈ
ਹਰ ਇੱਕ ਨੇ ਜਾਣਾ ਹੈ ਕਿਸੀ ਦਿਨ ਜਹਾਨਾਂ ਤੋਂ
 ਨਹੀ ਡਰਦੇ ਸੱਚੇ ਭਗਤ ਕਬਰਾਂ ਸ਼ਮਸ਼ਾਨਾਂ ਤੋਂ

ਜਿਹਨਾਂ ਨੇ ਜਪਿਆ ਸੱਚਾ ਨਾਮ
ਰਾਤ ਦੁਪਹਿਰੇ ਸਵੇਰੇ ਸ਼ਾਮ
ਨਹੀ ਹਰਸਿਮਰਨ ਓਹ ਬੰਦੇ ਆਮ
ਬੰਦੇ ਨੇ ਓਹ ਮਹਾਨ ਮਹਾਨਾਂ ਤੋਂ
ਨਹੀ ਡਰਦੇ ਸੱਚੇ ਭਗਤ ਕਬਰਾਂ ਸ਼ਮਸ਼ਾਨਾਂ ਤੋਂ ।

ਹਰ ਵੇਲੇ ਹਰਿ ਨਾਲ ਤੇਰੇ

ਕਿਓਂ  ਤੂੰ ਕਹਿੰਦਾ ਓਹਨੂੰ ਉੱਪਰ ਵਾਲਾ ?
ਜਦ ਓਹ ਮੌਜੂਦ ਹੈ ਚਾਰ ਚੁਫੇਰੇ ?
ਉਠਦੇ, ਬਹਿੰਦੇ , ਜਾਗਦੇ , ਸੌਂਦੇ,
ਹਰ ਵੇਲੇ ਹਰਿ ਨਾਲ ਤੇਰੇ  
 ਯਾਦ ਰੱਖੀ  ਇਹ ਗੱਲ ਤੈਨੂੰ ਪਤਾ ਚਲੇਗਾ,
ਤੇਰੇ ਨਾਲ ਓਹ ਕਰਦਾ ਗੱਲ ਵੀ,
ਤੈਨੂੰ ਦਿੰਦਾ ਓਹ ਸਹੀ ਰਾਹ,
ਤੇਰੀ ਮੁਸ਼ਕਿਲ ਕਰਦਾ ਹਲ੍ਹ ਵੀ ।
ਗੱਲ ਓਹਦੀ ਸੁਣਨ ਲਈ ,
ਤੈਨੂ ਲੋੜ੍ਹ ਨਹੀ ਕੋਈ ਕੰਨ ਦੀ ,
ਹਰਿ ਕਾ ਨਾਮ ਧਿਆਉਣ ਦੇ ਲਈ,
ਤੈਨੂ ਲੋੜ੍ਹ ਹੈ ਸੱਚੇ ਮਨ ਦੀ ।