ਕਾਵਾਂ ਨੂੰ ਆਖਦੇ ਪਏ ਕਿਉਂ ਅੰਦਲੀਬ ਲੋਕ?
ਮੇਰੀ ਸਮਝ 'ਚ ਤਾਂ ਨਹੀਂ ਆਉਂਦੇ ਅਜੀਬ ਲੋਕ !
ਤਾਰੀਖ਼ ਹੈ ਗਵਾਹ ਕਿ ਸੱਚੇ ਮਨੁੱਖ ਲਈ
ਰੱਖਣ ਸਜਾ ਕੇ ਰੱਸੀਆਂ , ਫਾਹੇ , ਸਲੀਬ ਲੋਕ
ਰੱਖੀ ਜਿਨ੍ਹਾਂ ਤੇ ਆਸ ਉਮੀਦ ਆਪਣੀ ਸੀ ਮੈਂ
ਅੱਜ ਹੱਥ ਜੋੜ ਮੁੜ ਗਏ ਨੇ ਉਹ ਤਬੀਬ ਲੋਕ
ਕਿਰਦਾਰ ਦੀ ਸਲਾਮਤੀ ਮੁਮਕਿਨ ਉਦੋਂ ਹੀ ਹੈ
ਜਦ ਰੱਬ ਨੂੰ ਸ਼ਾਹ ਰਗ ਤੋਂ ਵੀ ਜਾਨਣ ਕਰੀਬ ਲੋਕ
ਲੜ ਲੱਗ ਕੇ ਸਤਿਗੁਰੂ ਦੇ ਹੀ ਮੁੱਕਦੇ ਨੇ ਦੁੱਖ ਕਲੇਸ਼
ਤਾਰੇ ਨੇ ਜਿਸ ਦੀ ਬਾਣੀ ਨੇ ਨਿਰਧਨ ਗ਼ਰੀਬ ਲੋਕ
ਜਿਹੜੇ ਗੁਰੂ ਨੂੰ ਭੁੱਲ ਕੇ ਦਰ ਦਰ ਤੇ ਹੋਣ ਖ਼ਵਾਰ
ਹਰਸਿਮਰਨ ਓਹੀ ਸਭਨਾਂ ਤੋਂ ਵੱਧ ਬਦ ਨਸੀਬ ਲੋਕ
No comments:
Post a Comment