ਹਰਸਿਮਰਨ ਕਰ ਸਿਮਰਨ ਐਸਾ

ਹਰਸਿਮਰਨ ਕਰ ਸਿਮਰਨ ਐਸਾ
                                   ਤਨ ਮਨ ਹੋ ਜਾਏ ਤੇਰਾ ਸਾਫ਼ ,
ਹਰਸਿਮਰਨ ਕਰ ਸਿਮਰਨ ਐਸਾ
                                      ਭੁਲ੍ਹਾਂ ਹੋ ਜਾਣ ਤੇਰੀਆ ਮੁਆਫ਼
ਹਰਸਿਮਰਨ ਕਰ ਸਿਮਰਨ ਐਸਾ
                                      ਖਿਆਲ ਹੋ ਜਾਣ ਤੇਰੇ ਪਾਕ
ਹਰਸਿਮਰਨ ਕਰ ਸਿਮਰਨ ਐਸਾ
                                      ਮੈਲ ਮੁਕਤ ਹੋ ਜਾਣ ਤੇਰੇ ਵਾਕ
ਹਰਸਿਮਰਨ ਕਰ ਸਿਮਰਨ ਐਸਾ
                                      ਪਾਰ ਹੋ ਜਾਣ ਰੁਕਾਵਟਾਂ ਸ਼ਹੁੰ ਦੀਆਂ ਵਾਟਾਂ ਵਿਚ
ਹਰਸਿਮਰਨ ਕਰ ਸਿਮਰਨ ਐਸਾ
                                      ਮਿਠਾਸ ਆ ਜਾਏ ਤੇਰੀਆਂ ਬਾਤਾਂ ਵਿਚ
ਹਰਸਿਮਰਨ ਕਰ ਸਿਮਰਨ ਐਸਾ
                                        ਕਦੇ ਨਾ ਪ੍ਰਭੁ ਮਨੋਂ ਵਿਸਾਰ
ਹਰਸਿਮਰਨ ਕਰ ਸਿਮਰਨ ਐਸਾ
                                      ਕਾਮ ਕ੍ਰੋਧ ਲੋਭ ਮੋਹ ਅਹੰਕਾਰ ਜਾਣ ਹਾਰ
 ਹਰਸਿਮਰਨ ਕਰ ਸਿਮਰਨ ਐਸਾ

ਨਹੀ ਡਰਦੇ ਸੱਚੇ ਭਗਤ ਕਬਰਾਂ ਸ਼ਮਸ਼ਾਨਾਂ ਤੋਂ

 ਨਹੀ ਡਰਦੇ ਸੱਚੇ ਭਗਤ ਕਬਰਾਂ ਸ਼ਮਸ਼ਾਨਾਂ ਤੋਂ

ਨਹੀ ਡਰਦੇ ਜਿਨ੍ਹਾਂ ਨੇ ਘੋਲ ਘੁਮਾਈ
ਨਹੀ ਡਰਦੇ ਜਿਨ੍ਹਾਂ ਨੇ ਸੱਚੀ ਮੁਹੱਬਤ ਰਚਾਈ
ਨਹੀ ਡਰਦੇ ਜਿਨ੍ਹਾਂ ਨੇ ਪਛਾਣੀ ਸੱਚਾਈ
ਹਰ ਇੱਕ ਨੇ ਜਾਣਾ ਹੈ ਕਿਸੀ ਦਿਨ ਜਹਾਨਾਂ ਤੋਂ
 ਨਹੀ ਡਰਦੇ ਸੱਚੇ ਭਗਤ ਕਬਰਾਂ ਸ਼ਮਸ਼ਾਨਾਂ ਤੋਂ

ਜਿਹਨਾਂ ਨੇ ਜਪਿਆ ਸੱਚਾ ਨਾਮ
ਰਾਤ ਦੁਪਹਿਰੇ ਸਵੇਰੇ ਸ਼ਾਮ
ਨਹੀ ਹਰਸਿਮਰਨ ਓਹ ਬੰਦੇ ਆਮ
ਬੰਦੇ ਨੇ ਓਹ ਮਹਾਨ ਮਹਾਨਾਂ ਤੋਂ
ਨਹੀ ਡਰਦੇ ਸੱਚੇ ਭਗਤ ਕਬਰਾਂ ਸ਼ਮਸ਼ਾਨਾਂ ਤੋਂ ।

ਹਰ ਵੇਲੇ ਹਰਿ ਨਾਲ ਤੇਰੇ

ਕਿਓਂ  ਤੂੰ ਕਹਿੰਦਾ ਓਹਨੂੰ ਉੱਪਰ ਵਾਲਾ ?
ਜਦ ਓਹ ਮੌਜੂਦ ਹੈ ਚਾਰ ਚੁਫੇਰੇ ?
ਉਠਦੇ, ਬਹਿੰਦੇ , ਜਾਗਦੇ , ਸੌਂਦੇ,
ਹਰ ਵੇਲੇ ਹਰਿ ਨਾਲ ਤੇਰੇ  
 ਯਾਦ ਰੱਖੀ  ਇਹ ਗੱਲ ਤੈਨੂੰ ਪਤਾ ਚਲੇਗਾ,
ਤੇਰੇ ਨਾਲ ਓਹ ਕਰਦਾ ਗੱਲ ਵੀ,
ਤੈਨੂੰ ਦਿੰਦਾ ਓਹ ਸਹੀ ਰਾਹ,
ਤੇਰੀ ਮੁਸ਼ਕਿਲ ਕਰਦਾ ਹਲ੍ਹ ਵੀ ।
ਗੱਲ ਓਹਦੀ ਸੁਣਨ ਲਈ ,
ਤੈਨੂ ਲੋੜ੍ਹ ਨਹੀ ਕੋਈ ਕੰਨ ਦੀ ,
ਹਰਿ ਕਾ ਨਾਮ ਧਿਆਉਣ ਦੇ ਲਈ,
ਤੈਨੂ ਲੋੜ੍ਹ ਹੈ ਸੱਚੇ ਮਨ ਦੀ ।

ਰੂਹ ਦੀ ਖੁਰਾਕ

 ਢਿੱਡ ਦੀ ਖੁਰਾਕ ਨੂ ਕੌਣ ਨਹੀ ਜਾਣਦਾ
ਖੁਰਾਕ ਲੈਣ ਦੇ ਆਨੰਦ ਨੂੰ ਕੌਣ ਨਹੀ ਮਾਣਦਾ
ਪਰ ਨਾ ਭੁਲ ਭੋਜਨ ਤੂੰ ਆਪਣੀ ਜਾਨ ਦਾ
ਢਿੱਡ ਦੀ ਤਰ੍ਹਾ ਸੁਣ ਰੂਹ ਦੇ ਆਖ
 ਪ੍ਰਭ ਦਾ ਸਿਮਰਨ ਰੂਹ ਦੀ ਖੁਰਾਕ

ਧਿਆਨ ਨਾਲ ਗੱਲ ਸੁਣ ਭਲਿਆ ਮਨੁੱਖ 

ਇਹ ਮੌਕਾ ਹੈ ਤੇਰਾ ਪ੍ਰਾਪਤ ਕਰਨ ਦੇ ਸੁੱਖ 

ਜਾ ਪਰਮਾਤਮਾ ਦੇ ਦਰਬਾਰ ਵਿਚ ਲੈ ਕੇ ਉਜਲੇ ਮੁੱਖ 

ਮਨੁਖ ਬਣਨ ਲਈ ਤੂੰ ਜੀਆ ਵਾਰ ਚੁਰਾਸੀ ਲਾਖ 

ਪ੍ਰਭ ਦਾ ਸਿਮਰਨ ਰੂਹ ਦੀ ਖੁਰਾਕ ।

ਮੇਰੀ ਅਰਦਾਸ

 ਕੂੜ੍ਹ ਨਾਲ ਭਰਿਆ ਹੈ ਹਰਸਿਮਰਨ
ਅੰਦਰੋਂ ਵੀ ਅਤੇ ਬਾਹਰੋਂ ਵੀ
ਸਫਾਈ ਕਰਨ ਦੀ ਕੋਸ਼ਿਸ਼ ਕਰਦਾ
ਕਰਦਾ ਪ੍ਰਣ ਹਜਾਰੋਂ ਹੀ ।
ਹੇ ਖੁਦਾ , ਮੈਨੂ ਆਸ਼ੀਰਵਾਦ ਦੇ
ਅਮਲ ਕਰਾਂ ਮੈਂ ਗੁਰੂਆਂ ਦੀ ਬਾਣੀ ਤੇ
ਪਿਆਸੀ ਮੇਰੀ ਰੂਹ ਨੂੰ ਤੂੰ ਪਾਣੀ ਦੇ
ਇਸ ਭਟਕੇ ਹੋਏ ਮਨੁੱਖ ਨੂ ਤੂੰ ਰਾਹ ਦੇ
ਜਦ ਤਕ ਨਾਮ ਗੁਰੂ ਦਾ ਧਿਆਵਾਂ ਓਦੋਂ ਤਕ ਹੀ ਮੈਨੂ ਸਾਹ ਦੇ ।।

ਧਰਤੀ ਬਣਾਈ ਸੀ ਆਪਣੇ ਹੱਥੀ ਇੱਕ ਰੱਬ ਨੇ

ਧਰਤੀ ਬਣਾਈ ਸੀ ਆਪਣੇ ਹੱਥੀ ਇੱਕ ਰੱਬ ਨੇ ,                          
ਮਿਲ ਜੁਲ ਕੇ ਰਹਿਣਾ ਸੀ ਜਿੱਥੇ ਸਬ ਨੇ  ।

ਪਰ ਮਨੁੱਖ ਨੇ ਧਰਤੀ ਤੇ ਸਰਹੱਦਾਂ  ਬਣਾ ਲਈਆ  ,
ਧਰਤੀ ਨੂੰ ਵੰਡਣ ਲਈ ਮਨੁੱਖ ਨੇ ਦੇਰ ਨਹੀ ਲਗਾਈ ,
ਇਹ ਤੇਰਾ ਦੇਸ ਇਹ ਮੇਰਾ ਦੇਸ ,
ਤੇਰੇ ਮੇਰੇ ਦੇ ਨਾਂ ਤੇ ਮਨੁੱਖ ਕਰ ਰਹੇ  ਲੜਾਈ।

ਕੋਈ ਕਹਿੰਦਾ ਮਾਨ ਨਾਲ , ਕੋਈ ਕਹਿੰਦਾ ਸ਼ਰਮ ਨਾਲ ,
ਮੈਂ ਹਾਂ ਇਹ ਦੇਸਵਾਸੀ ,
ਪੁੱਛੇ ਹਰਸਿਮਰਨ ਕਿਓ  ਭੁੱਲ  ਗਏ  ਅਸੀਂ
ਹਾਂ ਦੁਨੀਆਵਾਸੀ।

ਦੋ ਮੁਲਕ ਨਿੱਤ ਕਰਦੇ ਇੱਕ ਦੂਜੇ ਨਾਲ ਲੜਾਈ
ਕਰਨਾ ਚਾਹੁੰਦੇ ਇੱਕ ਦੂਜੇ ਤੇ ਚੜ੍ਹਾਈ ,
ਰੁੱਸੇ ਹੋਏ ਅਮਨ ਨੂੰ ਤੂੰ  ਵਾਪਸ ਮਨਾ  ਲਿਆ
ਰੁੱਸ ਗਿਆ ਸੀ ਜੇਹੜਾ  ਜਦੋਂ ਤੋਂ ਤੂੰ ਸਰਹੱਦ ਬਣਾ ਲਿਆ।

ਨੀਂਦ ਕਦੋ ਆਏਗੀ? (When will I be able to sleep? )

ਚਾਰ ਘੰਟਿਆਂ ਤੋਂ ਮੈਂ ਲੇਟਿਆ ਹਾਂ ਬੇਡ ਤੇ            
ਨੀਂਦ ਦਾ ਨਾਂ ਨਿਸ਼ਾਂ ਦੂਰ ਦੂਰ ਤਕ ਨਹੀ            
ਓਦੋਂ ਤੋਂ ਹੀ ਕਮਰੇ ਦੀਆਂ ਬੱਤੀਆਂ ਬੰਦ ਨੇ          
ਕਮਰੇ ਵਿਚ ਭੋਰਾ ਜਿਆ ਵੀ ਨੂਰ ਨਹੀ ।          

ਕੱਲ੍ਹ ਕਦੋਂ ਹੋਏਗੀ ਛੇਤੀ ਹੋ ਜਾ,                            
ਨੀਂਦ ਕਦੋਂ ਆਏਗੀ ਛੇਤੀ ਆ ਜਾ,                          
ਕਦੇ ਹੋਵਾਂ ਸਿੱਧਾ ਤੇ ਕਦੇ ਟੇਡਾ,                            
 ਹੇ ਨੀਂਦਾਂ ਬੰਦ ਕਰ ਆਪਣੀਆਂ ਖੇਡਾਂ ।                
ਨੀਂਦ ਨਾ ਆਏ ਜਦ ਮੈਂ ਹੋਵਾਂ ਸਿੱਧਾ,                    
ਨੀਂਦ ਨੂੰ ਆਪਣੇ ਕੋਲ ਮੈਂ ਲਿਆਵਾਂ ਕਿੱਧਾ              
ਜੇ ਹੋਵਾਂ ਟੇਢ਼ਾ ਤਾਂ ਦੁਖੇ ਸੀਨਾ                          
ਚਾਦਰ ਦੇ ਵਿਚ ਮੈਨੂ ਆਏ ਪਸੀਨਾ ।                    
ਜੇ ਚਲਾਵਾਂ ਪੱਖਾ ਤਾਂ ਲੱਗੇ ਮੈਨੂ ਠੰਡ,                    
ਹੇ ਨੀਂਦਾਂ ਆਪਣੀਆ ਖੇਡਾਂ ਕਰ ਬੰਦ,              
ਮੈਨੂ ਇੰਤਜ਼ਾਰ ਹੈ ਬਹੁਤ ਕੱਲ੍ਹ ਦਾ,                  
ਇਸਲਈ ਛੇਤੀ ਛੇਤੀ ਤੂੰ ਮੇਰੇ ਵੱਲ੍ਹ ਆ ।