ਸਿੱਖੋ

ਕਹਿੰਦੇ ਅੰਗ੍ਰੇਜ਼ਾਂ ਦੇ ਨਾਲ ਅਸੀ ਬਰਾਬਰੀ ਹੈ ਕਰਨੀ ,
ਕਿਵੇਂ ਬਣਾਉਣੀ ਦੁਨੀਆ ਤੇ ਪਹਿਚਾਣ ਤੁਸੀਂ ਸਿੱਖੋ ,
 ਕਹਿੰਦੇ ਅਮੇਰਿਕਾ ਤੋਂ ਵਧ ਅਸੀ ਤਰੱਕੀ ਕਰਨੀ ,
ਇਸਲਈ ਓਹਨਾਂ ਦੀ ਜ਼ੁਬਾਨ ਤੁਸੀਂ ਸਿੱਖੋਂ ।
ਮੈਂ ਕਹਿੰਦਾ ਹਾਂ ਬੋਲੀ , ਪੇਹਰਾਵਾ ਅਤੇ ਰਹਿਣ ਸਹਿਣ ਨਹੀ ,
ਤਰੱਕੀ ਕਰਨ ਲਈ ਓਹਨਾਂ ਦਾ ਇਮਾਨ ਤੁਸੀਂ ਸਿੱਖੋਂ ,
ਕਿਵੇਂ ਕੰਮ ਨੂੰ ਸਮਝਦੇ ਨੇ ਪੂਜਾ ਓਹ ,
ਕਿਵੇਂ ਕਰਦੇ ਨੇ ਕੰਮ ਲਾ ਕੇ ਜੀ- ਜਾਨ ਤੁਸੀਂ ਸਿੱਖੋਂ ।
ਕਿਵੇਂ ਰੱਖਦੇ ਨੇ ਹਿਸਾਬ ਓਹ ਇੱਕ - ਇੱਕ ਸਕਿੰਟ ਦਾ ,
ਕਿਵੇਂ ਸਮੇ ਨੂੰ ਸਮਝਦੇ ਓਹ ਸੁਲਤਾਨ ਤੁਸੀਂ ਸਿੱਖੋਂ ,
ਕੰਮਚੋਰੀ ਅਤੇ ਆਲਸ ਨੂੰ ਤਿਆਗ ਕੇ ,
ਕਿਵੇਂ ਬਣੀਦਾ ਹੈ ਆਦਮੀ ਮਹਾਨ ਤੁਸੀਂ ਸਿੱਖੋਂ ।
ਕਿਰਤ ਕਰੋ ਦੋਸਤੋ ਨਾ ਬਣਾਓ ਬਹਾਨੇ ,
ਕਿਵੇਂ ਅਮੀਰ ਬਣੇ ਚੀਨ , ਕੋਰੀਆ ਤੇ ਜਾਪਾਨ ਤੁਸੀਂ ਸਿੱਖੋਂ ,
ਇਸੇ ਨਾਲ ਹੀ ਹੋਵੇਗੀ ਤਰੱਕੀ ਦੇਸ ਦੀ ,
ਨਾਲੇ ਵਿਰਸੇ ਤੇ ਕਿਵੇਂ ਕਰੀਦਾ ਹੈ ਮਾਣ ਤੁਸੀਂ ਸਿੱਖੋਂ ।