ਪੰਜਾਬੀਏ ਜ਼ੁਬਾਨੇ, ਤੇਰੀ ਸਿਫਤ ਲਈ ਸਦਾ ਜੀਭ ਭੁੱਖੀ ਰਹੇ,
ਤੇਰੀਆਂ ਅਸੀਸਾਂ ਅਤੇ ਦੁਆਵਾਂ ਨਾਲ ਰੂਹ ਮੇਰੀ ਸੁੱਖੀ ਰਹੇ ।
ਤੇਰੀਆਂ ਅਸੀਸਾਂ ਅਤੇ ਦੁਆਵਾਂ ਨਾਲ ਰੂਹ ਮੇਰੀ ਸੁੱਖੀ ਰਹੇ ।
ਮੇਰੇ ਦਿਲ ਅੰਦਰ ਖ਼ਾਸ ਥਾਂ ਤੂੰ ਮੱਲ੍ਹ ਬੈਠੀ,
ਕੀ ਜੁੱਰਅਤ ਕਿਸੀ ਓਪਰੀ ਬੋਲੀ ਦੀ ਕਿ ਇੱਥੇ ਬਣ ਮੁਖੀ ਰਹੇ ?
ਕੀ ਜੁੱਰਅਤ ਕਿਸੀ ਓਪਰੀ ਬੋਲੀ ਦੀ ਕਿ ਇੱਥੇ ਬਣ ਮੁਖੀ ਰਹੇ ?
ਸ਼ਹਿਦ ਨਾਲੋਂ ਮਿੱਠੇ ਨੇ ਤੇਰੇ ਲੋਕ ਗੀਤਾਂ ਦੇ ਬੋਲ ,
ਤੇਰੀ ਮਮਤਾ ਦੀ ਨਦੀ ਇੱਕ ਪਲ ਲਈ ਵੀ ਨਾ ਸੁੱਕੀ ਰਹੇ ।
ਤੇਰੀ ਮਮਤਾ ਦੀ ਨਦੀ ਇੱਕ ਪਲ ਲਈ ਵੀ ਨਾ ਸੁੱਕੀ ਰਹੇ ।
ਸੱਚੀ ਬਾਣੀ ਰਚਾ ਕੇ ਗੁਰੂਆਂ ਨੇ ਸ਼ਿੰਗਾਰਿਆ ਤੈਨੂੰ,
ਪੂਰਾ ਖਿਆਲ ਰੱਖਿਆ ਕਿ ਸੱਚੀ ਬਾਤ ਨਾ ਕੋਈ ਲੁਕੀ ਰਹੇ ।
ਪੂਰਾ ਖਿਆਲ ਰੱਖਿਆ ਕਿ ਸੱਚੀ ਬਾਤ ਨਾ ਕੋਈ ਲੁਕੀ ਰਹੇ ।
ਰੱਬ ਦੇ ਗੁਣ ਗਾਉਣ ਲਈ ਹੁੰਦੀ ਰਹੀ ਤੇਰੀ ਵਰਤੋਂ,
ਪੀਰਾਂ, ਫਕੀਰਾਂ ਤੇ ਸੂਫ਼ੀਆਂ ਦੀ ਬੋਲੀ ਲਈ ਅੱਖ ਮੇਰੀ ਝੁਕੀ ਰਹੇ।
ਪੀਰਾਂ, ਫਕੀਰਾਂ ਤੇ ਸੂਫ਼ੀਆਂ ਦੀ ਬੋਲੀ ਲਈ ਅੱਖ ਮੇਰੀ ਝੁਕੀ ਰਹੇ।
ਸ਼ਾਲਾ ਹਰ ਪੰਜਾਬੀ ਦੇ ਬੁੱਲ੍ਹਾਂ ਉੱਤੇ ਤੇਰਾ ਰਾਜ ਹੋਵੇ ,
ਪੰਜਾਬ ਦੀ ਗਲੀ- ਗਲੀ ਦੇ ਵਿੱਚ ਲਿਖੀ ਗੁਰਮੁਖੀ ਰਹੇ ।
ਪੰਜਾਬ ਦੀ ਗਲੀ- ਗਲੀ ਦੇ ਵਿੱਚ ਲਿਖੀ ਗੁਰਮੁਖੀ ਰਹੇ ।
ਪੰਜ ਦਰਿਆਵਾਂ ਦੀ ਪਹਿਚਾਣ ਸਦਾ ਕਾਇਮ ਰਹੇ ,
ਹਰੇ ਭਰੇ ਖੇਤਾਂ ਵਿੱਚ ਤੇਰੀ ਮਹਿਕ ਨਾ ਕਦੇ ਮੁੱਕੀ ਰਹੇ ।
ਹਰੇ ਭਰੇ ਖੇਤਾਂ ਵਿੱਚ ਤੇਰੀ ਮਹਿਕ ਨਾ ਕਦੇ ਮੁੱਕੀ ਰਹੇ ।
ਤੇਰੀ ਸੇਵਾ ਦੇ ਵਿੱਚ ਹਰ ਪਲ ਹਾਜ਼ਿਰ ਹੈ 'ਹਰਸਿਮਰਨ',
ਰੱਬ ਕਰੇ ਕਿ ਹਰ ਪੰਜਾਬੀ ਵੱਲੋਂ ਇਹ ਸਹੁੰ ਚੁੱਕੀ ਰਹੇ ।
ਰੱਬ ਕਰੇ ਕਿ ਹਰ ਪੰਜਾਬੀ ਵੱਲੋਂ ਇਹ ਸਹੁੰ ਚੁੱਕੀ ਰਹੇ ।
No comments:
Post a Comment