Sunday 3 November 2019
Friday 11 October 2019
ਅਰਦਾਸ
ਓ ਰੱਬਾ! ਜਿੰਦੜੀ ਮੇਰੀ ਕੁਰਲਾਵੇ ਰਾਤ ਦਿਨ,
ਕੱਲ੍ਹੀ, ਨਿਮਾਣੀ ਜਿੰਦ ਹੈ ਦੇਸ ਆਪਣੇ ਤੋਂ ਦੂਰ,
ਕਿੱਦਾਂ ਗੁਜ਼ਾਰਾ ਹੋਵੇ ਜਹਾਂ ਵਿੱਚ ਤੇਰੇ ਬਿਨ?
ਸੜ ਬਲ ਕੇ ਹਿਜਰ ਦੀ ਅਗਨ ਅੰਦਰ ਘੜੀ ਘੜੀ,
ਦਰ ਦਰ ਤੇ ਰੁਲ਼ ਕੇ ਬਾਜ਼ੀ ਅਸੀਂ ਹਰਦੇ ਜਾਈਏ ,
ਬੇ-ਰਹਿਮ ਪੰਜ ਦੂਤਾਂ ਦੀ ਇਸ ਸਖ਼ਤ ਕੈਦ ਵਿੱਚ ,
ਘੁੱਟੇ ਇਹ ਸਾਹ ਸਾਡਾ , ਅਸੀਂ ਮਰਦੇ ਜਾਈਏ ।
ਵਿਗੜੀ ਕੋਈ ਵੀ ਗੱਲ ਕਰੇ ਹੱਲ ਤੇਰੀ ਨਿਗਾਹ ,
ਭੁੱਲਾਂ, ਗੁਨਾਹਾਂ, ਪਾਪਾਂ, ਖ਼ਤਾਵਾਂ ਨੂੰ ਬਖ਼ਸ਼ ਦੇ ,
ਆਵੇ ਕਦੇ ਇਹ ਪਾਪੀ ਦੇ ਵੀ ਵੱਲ ਤੇਰੀ ਨਿਗਾਹ ।
ਇਹ ਛੋਟੀ ਮੱਤ ਮੇਰੀ 'ਚ ਕਰਦੇ ਤੂੰ ਚਾਨਣਾ ,
ਭੈੜਾ ਕੋਈ ਵਿਚਾਰ ਤਾਂ ਭੁੱਲ ਕੇ ਵੀ ਨਾ ਰਹੇ ,
ਲਿਵ ਜਿਸ ਨੂੰ ਤੇਰੇ ਨਾਮ ਦੀ ਲੱਗ ਜਾਏ ਓਸ 'ਤੇ ,
ਹਉਮੈਂ ਦਾ ਕੋਈ ਭਾਰ ਤਾਂ ਭੁੱਲ ਕੇ ਵੀ ਨਾ ਰਹੇ ।
Sunday 21 July 2019
ਪਾਣੀ, ਧਰਤੀ, ਹਵਾ, ਮਿੱਟੀ , ਤੇਰੀ ਕੁਦਰਤ ਦੀ ਗੱਲ ।
ਕਰ ਰਿਹਾ ਹੈ ਇਹ ਤਰੱਕੀ ਅਤੇ ਜਿੱਦਤ ਦੀ ਗੱਲ ।
ਸੱਦਾ ਪਰਲੋ ਲਈ ਹੈ ਤੇਰੀ ਤਜਾਰਤ ਦੀ ਗੱਲ ।
ਸਮਝੇ ਨਾ ਕਰਨੀ ਜ਼ਰੂਰੀ ਜੋ ਵਿਰਾਸਤ ਦੀ ਗੱਲ ।
ਹੋਈ ਜਦ ਗੁਰਮੁਖਾਂ ਦੀ ਘਾਲ, ਸ਼ਹਾਦਤ ਦੀ ਗੱਲ।
ਫੇਰ ਕੰਬ ਉੱਠਦੇ ਨੇ ਉਹ ਸੁਣ ਕੇ ਬਗ਼ਾਵਤ ਦੀ ਗੱਲ ।
Friday 10 May 2019
ਕਾਵਾਂ ਨੂੰ ਆਖਦੇ ਪਏ ਕਿਉਂ ਅੰਦਲੀਬ ਲੋਕ?
ਕਾਵਾਂ ਨੂੰ ਆਖਦੇ ਪਏ ਕਿਉਂ ਅੰਦਲੀਬ ਲੋਕ?
ਮੇਰੀ ਸਮਝ 'ਚ ਤਾਂ ਨਹੀਂ ਆਉਂਦੇ ਅਜੀਬ ਲੋਕ !
ਤਾਰੀਖ਼ ਹੈ ਗਵਾਹ ਕਿ ਸੱਚੇ ਮਨੁੱਖ ਲਈ
ਰੱਖਣ ਸਜਾ ਕੇ ਰੱਸੀਆਂ , ਫਾਹੇ , ਸਲੀਬ ਲੋਕ
ਰੱਖੀ ਜਿਨ੍ਹਾਂ ਤੇ ਆਸ ਉਮੀਦ ਆਪਣੀ ਸੀ ਮੈਂ
ਅੱਜ ਹੱਥ ਜੋੜ ਕੇ ਗਏ ਮੁੜ ਉਹ ਤਬੀਬ ਲੋਕ
ਕਿਰਦਾਰ ਦੀ ਸਲਾਮਤੀ ਮੁਮਕਿਨ ਉਦੋਂ ਹੀ ਹੈ
ਜਦ ਰੱਬ ਨੂੰ ਸ਼ਾਹ ਰਗ ਤੋਂ ਵੀ ਜਾਨਣ ਕਰੀਬ ਲੋਕ
ਲੜ ਲੱਗ ਕੇ ਗੁਰੂ ਦੇ ਹੀ ਮੁੱਕਣ ਇਹ ਦੁੱਖ ਕਲੇਸ਼
ਤਾਰੇ ਨੇ ਜਿਸ ਦੀ ਬਾਣੀ ਨੇ ਨਿਰਧਨ ਗ਼ਰੀਬ ਲੋਕ
ਜਿਹੜੇ ਗੁਰੂ ਨੂੰ ਭੁੱਲ ਕੇ ਦਰ ਦਰ ਤੇ ਹੋਣ ਖ਼ਵਾਰ
ਹਰਸਿਮਰਨ ਓਹੀ ਸਭਨਾਂ ਤੋਂ ਵੱਧ ਬਦ ਨਸੀਬ ਲੋਕ
Friday 12 April 2019
ਪੰਜਾਬ ਦੀ ਸਰਜ਼ਮੀਨ ਦੀ ਫ਼ਰਿਆਦ
ਰਾਤ ਭਾਰੀ ਰਹੇ ਗੀ ਦੱਸੋ ਕਦੋਂ ਤੀਕ ਕੋਈ ?
ਮੈਨੂੰ ਸੂਰਜ ਨੂੰ ਵੀ ਵੇਖੇ ਹੋਏ ਮੁੱਦਤ ਹੋ ਗਈ
ਆਸ ਦੇ ਬੂਟੇ ਮਿਰੇ ਨੂੰ ਮੋਏ ਮੁੱਦਤ ਹੋ ਗਈ
ਛਾਇਆ ਹੋਇਆ ਹੈ ਬੜਾ ਡਾਢਾ ਹਨੇਰਾ ਇੱਥੇ
ਪੀੜਾਂ, ਦਰਦਾਂ ਤੇ ਗ਼ਮਾਂ ਲਾਇਆ ਹੈ ਡੇਰਾ ਇੱਥੇ
ਸ਼ਾਨ ਮੇਰੀ, ਅਦਾ ਮੇਰੀ ਅਤੇ ਜੋਬਨ ਲੈ ਗਏ
ਵੀਰਾਂ ਨੂੰ ਜਾਨ ਦੇ ਵੈਰੀ ਬਣਾ ਕੇ ਰੱਖ ਦਿੱਤਾ
ਘਰ 'ਚ ਭਾਂਬੜ ਬੜਾ ਉਹਨਾਂ ਮਚਾ ਕੇ ਰੱਖ ਦਿੱਤਾ
ਜਾਂਦੇ ਜਾਂਦੇ ਤਾਂ ਜਮਾਂ ਨ੍ਹੇਰ ਲਿਆ ਦਿੱਤਾ ਸੀ
ਖ਼ੰਜਰਾਂ ਨਾਲ ਮਿਰਾ ਸੀਨਾ ਸਜਾ ਦਿੱਤਾ ਸੀ
ਪੁੱਤ ਮੇਰਾ ਵੀ ਕੋਈ ਨਾ ਮਿਰੀ ਦਿਲ ਜੋਈ ਕਰੇ
ਧਰਤੀ ਤਾਂ ਵੰਡੀ ਹੀ, ਇਹ ਦਰਿਆ ਵੀ ਕੀਤੇ ਤਕਸੀਮ
ਕਿੱਥੇ ਉਹ ਰੰਗ ਗਏ , ਕਿੱਥੇ ਗਈ ਸ਼ਾਨ-ਏ-ਕਦੀਮ?
ਕਿਉਂ ਤੁਹਾਨੂੰ ਇਹ ਨਜ਼ਾਰਾ ਭਲਾ ਲੱਗੇ ਚੰਗਾ ?
ਵਿਚ ਦੋ ਆਜ਼ਾਦ ਵਤਨ , ਕੈਦ ਹੋਏ ਪੰਜ ਦਰਿਆ
ਅਕਲ ਵਾਲੇ ਹੀ ਨੇ ਸਾਰੇ ਤਾਂ ਹੀ ਨਫ਼ਰਤ ਵੱਸੇ
ਕੋਈ ਦਿਲ ਵਾਲਾ ਜੇ ਹੋਵੇ ਤਾਂ ਮੁਹੱਬਤ ਹੱਸੇ
ਕਿਉਂ ਲਹੂ ਖੌਲਦੇ ਹੋ ਲੀਡਰਾਂ ਦੇ ਆਖੇ ਲੱਗ ?
ਲੀਡਰਾਂ , ਮੀਡੀਆ ਤੇ ਹੋਰਾਂ ਦਾ ਤਾਂ ਕੰਮ ਹੀ ਇਹ ਹੈ
ਲੁੱਟਣਾ ਖੋਹਣਾ ਤਾਂ ਹੈ , ਚੋਰਾਂ ਦਾ ਤਾਂ ਕੰਮ ਹੀ ਇਹ ਹੈ
ਤੁਸੀਂ ਕਿਉਂ ਇਹਨਾਂ ਦੀਆਂ ਗੱਲਾਂ 'ਚ ਆ ਜਾਂਦੇ ਹੋ
ਤੈਸ਼ ਵਿਚ ਆ ਕੇ ਤੁਸੀਂ ਸੁਰਤ ਭੁਲਾ ਜਾਂਦੇ ਹੋ
ਨੇੜੇ ਹੁੰਦੇ ਹੋਏ ਵੀ ਦੂਰੀ ਪਾ ਕੇ ਬਹਿ ਗਏ ਹੋ
ਇਕ ਤਮਾਸ਼ਾ ਜਿਹਾ ਬਣ ਕੇ ਤੁਸੀਂ ਹੁਣ ਰਹਿ ਗਏ ਹੋ
ਖ਼ੁਦ ਤਾਂ ਰੋਂਦੇ ਹੀ ਹੋ , ਮੈਨੂੰ ਵੀ ਰੁਲਾਉਂਦੇ ਹੋ ਤੁਸੀਂ
ਫ਼ਾਸਲੇ ਜਦ ਵੀ ਦਿਲਾਂ ਵਿੱਚ ਵਧਾਉਂਦੇ ਹੋ ਤੁਸੀਂ
ਰੰਗ ਇਕ ਹੈ ਤੇ ਜ਼ੁਬਾਂ ਬੋਲੀ ਤੁਹਾਡੀ ਇੱਕ ਹੈ
ਸੱਚ ਆਖਾਂ ਤਾਂ ਨਸਾਂ ਵਿੱਚ ਲਹੂ ਵੀ ਇੱਕ ਹੈ
ਇਹ ਤੁਹਾਡੀ ਹਵਾ ਦਾ ਰੰਗ ਤੇ ਬੂ ਵੀ ਇੱਕ ਹੈ
ਫ਼ਰਕ ਮਜ਼ਹਬ ਦੇ ਤੁਸੀਂ ਲੱਭ ਨਿਖੇੜੇ ਕੀਤੇ
ਸੈਂਕੜੇ ਹੀ ਖੜੇ ਫਿਰ ਝਗੜੇ ਤੇ ਝੇੜੇ ਕੀਤੇ
ਰੱਬ ਮੂਹਰੇ ਕਰਾਂ ਮੈਂ ਬੱਸ ਇਹੋ ਹੀ ਫ਼ਰਿਆਦ
ਜ਼ਿਹਨ ਖ਼ਲਕਤ ਦਾ ਕਰੀ ਕੈਦੋਂ ਖ਼ੁਦਾਇਆ ਆਜ਼ਾਦ
Wednesday 20 February 2019
ਮੀਡੀਆ
ਕੀ ਰਹਿ ਗਿਆ ਹੈ ਹੁਣ ਤੇਰਾ ਇਤਬਾਰ ਮੀਡੀਆ ?
ਸਭ ਹੱਦਾਂ ਨੂੰ ਹੀ ਕਰਦਾ ਪਿਆ ਪਾਰ ਮੀਡੀਆ ।
ਇੱਕੋਂ ਹੀ ਪਾਸਿਓਂ ਦੀ ਇਹ ਤਸਵੀਰ ਨੂੰ ਵਿਖਾ
ਕਰਦਾ ਹੈ ਸਾਹਿਬਾਂ ਦਾ ਤੂੰ ਸਤਿਕਾਰ ਮੀਡੀਆ ।
ਮਜ਼ਲੂਮਾਂ ਦੀ ਨਾ ਪੀੜ ਵਿਖਾਵੇ ਤੂੰ ਭੁੱਲ ਕੇ ਵੀ
ਨਫ਼ਰਤ ਦਾ ਖੁੱਲ੍ਹ ਕੇ ਕਰੇ ਪਰਚਾਰ ਮੀਡੀਆ ।
ਜਾਹਲ ਵੀ ਕਰਦੇ ਨੇ ਬੜਾ ਉਸ ਬੋਲੀ ਤੋਂ ਗੁਰੇਜ਼
ਤੂੰ ਜਿਹੜੇ ਲਫ਼ਜ਼ਾਂ ਵਿਚ ਕਰੇ ਗੁਫ਼ਤਾਰ ਮੀਡੀਆ ।
ਦਸਤੂਰ ਹੀ ਨਿਰਾਲੇ ਨੇ ਇਸ ਮੁਲਕ ਦੇ ਜਦੋਂ
ਫਿਰ ਹੁਣ ਕਰੇ ਵੀ ਤਾਂ ਕੀ ਇਹ ਲਾਚਾਰ ਮੀਡੀਆ ?
ਹਿੱਸੇ 'ਚ ਉਹਦੇ ਸਿਰਫ਼ ਮਲਾਮਤ ਹੀ ਤਾਂ ਪਵੇ
ਜੇ ਸੱਚੀ ਗੱਲ ਦਾ ਕਰੇ ਇਜ਼ਹਾਰ ਮੀਡੀਆ ।
Monday 18 February 2019
ਨੇਕੀ ਦੇ ਵਪਾਰਾਂ 'ਚ ਖ਼ਸਾਰਾ ਹੋ ਹੀ ਜਾਂਦੈ ।
ਪਰ ਫੇਰ ਵੀ ਗ਼ਮ ਦਾ ਤਾਂ ਨਜ਼ਾਰਾ ਹੋ ਹੀ ਜਾਂਦੈ ।
ਪੀੜਾਂ ਦਾ ਕੋਈ ਨਾ ਕੋਈ ਚਾਰਾ ਹੋ ਹੀ ਜਾਂਦੈ ।
ਆਸ਼ਕ ਹੋਏ ਸੱਚਾ ਤਾਂ ਕਿਨਾਰਾ ਹੋ ਹੀ ਜਾਂਦੈ ।
ਵੇਹਲਾ ਜੇ ਉਹ ਬੈਠੇ ਤਾਂ ਨਕਾਰਾ ਹੋ ਹੀ ਜਾਂਦੈ ।
ਸਿਫ਼ਤ
ਵੱਗਦਾ ਗਿਆਨ ਦਾ ਚਸ਼ਮਾ, ਸਤਿਗੁਰੂ ਦੁਆਲੇ ਭਰ ਭਰ ਵਰਤਾਏ ਜਿਨ੍ਹੇ, ਨਾਮ ਦੇ ਪਿਆਲੇ ਨ੍ਹੇਰੀਆਂ ਰਾਤਾਂ ਅੰਦਰ, ਜਿਸ ਰਾਹ ਵਿਖਾਲੇ ਮਿਹਰ ਨਾਲ ਮੇਰੇ ਜਿਹੇ ਪਾਪੀ ਵੀ ਪਾਲੇ ਜਦ ...
-
ਮੈਰੀ ਕ੍ਰਿਸਮਸ ਆਖਦੇ ਆਖਦੇ , ਨਾ ਭੁਲੀਓ ਚਾਰ ਸਾਹਿਬਜ਼ਾਦੇ ਮਹਾਨ, ਨਿੱਕੇ ਨਿੱਕੇ ਬੱਚਿਆਂ ਨੇ , ਧਰਮ ਲਈ ਵਾਰੀ ਆਪਣੀ ਜਾਨ , ਬੋਲੇ ਸੋ ਨਿਹਾਲ ਹੀ ਨੀਹਾਂ ਵਿਚ ਖੜੇ , ਕਹਿ ...
-
ਉਹ ਕੌਮ ਜੋ ਸੁਰਖ਼ ਫੁੱਲਾਂ ਨੂੰ ਖ਼ਾਰ ਜਾਣਦੀ ਹੋਵੇ, ਉਹ ਜੋ ਆਪਣੇ ਵਿਰਸੇ ਦੀ ਨਾ ਸਾਰ ਜਾਣਦੀ ਹੋਵੇ, ਜੀਹਦੀ ਆਪਣੇ ਪੁਰਖਿਆਂ ਨਾਲ ਸਾਂਝ ਕੋਈ ਨ ਹੋਵੇ, ਜਿਹੜੀ ਕੰਡਿਆਂ ਦੀ ਸ...
-
ਉਹ ਦੁਨੀਆ ਦਾ ਵਾਲੀ ਤੇ ਅਰਸ਼ਾਂ ਦਾ ਮਾਲਿਕ, ਜ਼ੱਰੇ-ਜ਼ੱਰੇ 'ਚ ਜਲਵਾ ਵਿਖਾਵੇ ਗੁਰੂ ਨਾਨਕ, ਦਿਲ 'ਚ ਕਰਤਾਰ ਦਾ ਯਕੀਨ ਪੈਦਾ ਕਰ ਕੇ, ਫ਼ਿਕਰਾਂ ਤੇ ਸੰਸਿਆਂ ਨੂੰ ਮਿ...